කොළොන්නාව ප්‍රාදේශීය ලේකම් කාර්යාලය

මෙරට කෘෂිකර්මාන්තය සඳහා කාබනික පොහොර භාවිතයට රජය ගෙන ඇති ප්‍රතිපත්තිමය තීරණයට අනුව කොලොන්නාව ප්‍රාදේශීය ලේකම් කොට්ඨාසයේ කාබනික පොහොර භාවිතය ප්‍රවර්ධනය හා ඒ සඳහා යොමු කරවීම, එහි දී පැන නගින ගැටළු හා ඒවාට යෝජිත විසදුම් පිළිබඳ විශේෂ රැස්වීමක් කොලොන්නාව ප්‍රාදේශීය ලේකම් කාර්යාලයීය ශ්‍රවණාගාරයේ දී 2021.06.17 දින පවත්වන ලදී.

මෙම රැස්වීම කොලොන්නාව ප්‍රාදේශීය සම්බන්ධීකරණ කමිටුවේ සභාපති මහජන ආරක්ෂාව පිළිබඳ අමාත්‍ය ගරු රියර් අද්මිරාල් ආචාර්ය සරත් වීරසේකර මැතිතුමා, කොළඹ දිස්ත්‍රික් සම්බන්ධීකරණ කමිටුවේ සම සභාපති පාර්ලිමේන්තු මන්ත්‍රි මේජර් ප්‍රදීප් උඳුගොඩ මැතිතුමා,කොලොන්නාව ප්‍රාදේශීය සම්බන්ධීකරණ කමිටුවේ උප සභාපති ගරු අජිත් රෝහණ සුභසිංහ මැතිතුමා හා කොළඹ දිස්ත්‍රික් ලේකම් හා දිසාපති ප්‍රදීප් යසරත්න මහතාගේ ප්‍රධානත්වයෙන් පවත්වන ලදී.මෙම අවස්ථාවට කොලොන්නාව ප්‍රාදේශීය ලේකම් එම්.ඒ.පී.ජයකොඩි මහතා, දිස්ත්‍රික් අධ්‍යක්ෂ (ක්‍රමසම්පාදන ) කේ.ජී.එච්.සේනක පී.සිල්වා මහතා,බස්නාහිර දිස්ත්‍රික් කෘෂිකර්ම අධ්‍යක්ෂ, සහකාර අධ්‍යක්ෂ (පොහොර ලේකම් කාර්යාලය), කොලොන්නාව සහකාර ප්‍රාදේශීය ලේකම් චමින්ද පරණමාන මහතා , සහකාර අධ්‍යක්ෂ සැලසුම් අනුශ්ක සිරිවර්ධන මහතා, කොලොන්නාව ගොවි ජන සේවා මධ්‍යස්ථානයේ නිලධාරීන් සහ කොලොන්නාව ප්‍රාදේශීය ලේකම් කාර්යාලයේ ආර්ථික සංවර්ධන නිලධාරීන් ඇතුලු පිරිසක් සහභාගි විය.

මොබිටෙල් ආයතනය සමග එක්ව කොළඹ දිස්ත්‍රික් ලේකම් හා දිසාපති ප්‍රදීප් යසරත්න මහතා සහ කොලොන්නාව ප්‍රාදේශීය ලේකම් එම්.ඒ.පී.ජයකොඩි මහතා ඇතුලු අනෙකුත් නිලධාරීන්ගේ සහභාගිත්වයෙන් කොලොන්නාව කොට්ඨාශයේ අඩු ආදායම් ලාභීන් හට භාණ්ඩ බෙදා දීම 2021.06.14 වන දින සිදු කරන ලදී.

ප්‍රාදේශීය ලේකම් එම්.ඒ.පී.ජයකොඩි මහතාගේ නිරීක්ෂණ හා උපදෙස් අනුව පවතින ආපදා තත්වය හමුවේ ජනතාවට සහන සැලසීමේ කටයුතු තවදුරටත් පැය 24 පුරා අඛණ්ඩව සිදු කෙරේ. මේ සදහා දේශපාලන අධිකාරියේ, ජනතාවගේ හා ග්‍රාම නිලධාරි ඇතුලු කොලොන්නාව ප්‍රාදේශීය ලේකම් කාර්යාලයේ නිලධාරීන්ගේ දායකත්ව මෙන්ම පොලිස් ස්ථානාධිපති ඇතුලු කාර්යය මණ්ඩලයේ සහය ද නොවඩුව ලැබෙන බව සදහන් කල යුතුය.

කොලොන්නාව ප්‍රාදේශීය ලේකම් කොට්ඨාසයේ සිටින ආබාධ සහිත පවුල් සඳහා වියළි ආහාර මලු බෙදා දීම.කොලොන්නාව ප්‍රාදේශීය ලේකම් කොට්ඨාසයේ සිටින ආබාධ සහිත පවුල් සඳහා වියළි ආහාර මලු බෙදා දීම.

අනුග්‍රහය - ශ්‍රී ලංකා ගැලවීමේ හමුදාව

මෙම අවස්ථාවට කොලොන්නාව ප්‍රාදේශීය ලේකම් එම්.ඒ.පී.ජයකොඩි මහතා සහ සමාජ සේවා නිලධාරී ශ්‍රියානි මාලේවන මහත්මිය හා ප්‍රාදේශීය ලේකම් කාර්යාලයේ නිලධාරීන් සහභාගි විය.

කොලොන්නාව කොට්ඨාශයේ පවතින ආපදා තත්වය නිරීක්ෂණය සදහා කොළඹ දිස්ත්‍රික් ලේකම් හා දිසාපති ප්‍රදීප් යසරත්න මහතා පැමිණි අතර කොලොන්නාව ප්‍රාදේශීය ලේකම් තුමා පැවති තත්වය දැනුවත් කිරීමෙන් පසු අවශ්‍ය අනෙකුත් ආයතන වල සහය ලබාදීම සදහා දිස්ත්‍රික් ලේකම්තුමා එම අවස්ථාවේම එම ආයතන ප්‍රදානීන් දැනුවත් කරන ලදී.

එමෙන්ම පවතින ආපදා තත්වය හමුවේ ජනතාවට සහන සැලසීමේ කටයුතු දේශපාලන අධිකාරියේ, ජනතාවගේ හා කොලොන්නාව ප්‍රාදේශීය ලේකම් කාර්යාලයේ සියලුම නිලධාරීන්ගේ දායකත්වයෙන් පැය 24 පුරා අඛණ්ඩව සිදු කරන බව සදහන් කල යුතුය.