கொலொன்னாவ பிரதேச செயலகம்

සමෘද්ධි සංවර්ධන දෙපාර්තමේන්තුවේ ඍජු ප්‍රතිපාදන මත කොලඹ දිස්ත්‍රික් සමෘද්ධි අධ්‍යක්ෂ ඒ.ජී.එස්. අශෝක කුමාර මහතා හා කොලොන්නාව ප්‍රාදේශිය ලේකම් එම්. ඒ .පී.ජයකොඩි මහතා ගේ අධීක්ෂණය හා මෙහෙයවීමෙන් පහ වසර ශිෂ්‍යත්ව විභාගයට පෙනී සිටින දරුවන් සදහා ශිෂ්‍යත්ව පෙරහුරු ප්‍රශ්න පත්‍ර දෙකක් සාකච්ඡා කිරීම හා දරුවන්ගේ දක්ෂතා ඔප්නංවන ශ්‍රව්‍ය දෘශ්‍ය රූපමය වැඩසටහනක් 2022.11.20 වෙනි ඉරු දින කොලොන්නාව ප්‍රා ලේ. කාර්යාලයේ දී සමෘද්ධි සමාජ සංවර්ධන අංශයේ මැදිහත්වීමෙන් සහකාර ප්‍රාදේශීය ලේකම් සී.ඒ.කේ.පරණමාන මහතා ගේ හා ප්‍රවීන ශිෂ්‍යත්ව උපදේශක නිශාන්ත පිංතු මහතාගේ ප්‍රධානත්වයෙන් පැවැත්වුණි. මෙම වැඩසටහන සදහා සිසු දරුවන් 100කට වැඩි පිරිසක් හා දෙමාපියන් පිරිසක් ද එක් විය. මෙම අවස්ථාවට බැංකු සමිති කලමනාකරු වජිර පෙරේරා මහතා, සමාජ සංවර්ධන සහකාර තිලක් රණසිංහ මහතා , ගොතටුව කලාප සහකාර කලමනාකරු සංජීව ප්‍රියශාන්ත මහතා, කොලොන්නාව කලාප සහකාර කලමනාකරු ජගත් චන්ද්‍රසිරි, බැංකු සමිති සහකාර කලමනාකරු අචලා මෙනවිය හා බැංකු සමිති නිලධාරීනී උදේශිකා මිය ඇතුළු සමෘද්ධි නිලධාරින් කීපදෙනකු ද එක් විය.

කොළඹ දිස්ත්‍රික් ලේකම්/ දිසාපති ප්‍රදීප් යසරත්න මහතාගේ සංකල්පයකට අනුව ක්‍රියාත්මක “දිසාපති කුසලාන” කොළඹ දිස්ත්‍රික් අන්තර් ප්‍රාදේශීය ලේකම් කාර්යාලීය ක්‍රීඩා තරඟාවලියේ අවසන් ඉසව් ලෙස ජවන හා පිටිය ක්‍රීඩා තරග කොළඹ දිස්ත්‍රික් ලේකම්/දිසාපති ප්‍රදීප් යසරත්න මහතාගේ ප්‍රධානත්වයෙන් සුගතදාස ක්‍රීඩාංගනයේදී අති උත්කර්ශවත් අයුරින් ඊයේ (13) දින පැවැත්විණි.කොළඹ දිස්ත්‍රික් ලේකම්/ දිසාපති ප්‍රදීප් යසරත්න මහතාගේ සංකල්පයකට අනුව ක්‍රියාත්මක “දිසාපති කුසලාන” කොළඹ දිස්ත්‍රික් අන්තර් ප්‍රාදේශීය ලේකම් කාර්යාලීය ක්‍රීඩා තරඟාවලියේ අවසන් ඉසව් ලෙස ජවන හා පිටිය ක්‍රීඩා තරග කොළඹ දිස්ත්‍රික් ලේකම්/දිසාපති ප්‍රදීප් යසරත්න මහතාගේ ප්‍රධානත්වයෙන් සුගතදාස ක්‍රීඩාංගනයේදී අති උත්කර්ශවත් අයුරින් ඊයේ (13) දින පැවැත්විණි.කොළඹ දිස්ත්‍රික්කයේ ප්‍රාදේශීය ලේකම් කාර්යාල හා දිස්ත්‍රික් ලේකම් කාර්යාලය නියෝජනය කරමින් ක්‍රීඩක ක්‍රීඩිකාවන් විශාල පිරිසකගේ සහභාගිත්වයෙන් පැවති මලල ක්‍රීඩා උළෙල ජවන හා පිටිය තරග රැසකින් වර්ණවත් විය. මලල ක්‍රීඩා තරඟාවලියේ උණුසුම් තරඟ රැසක ජය හිමිකරගනිමින් එම තරඟාවලියේ ශූරතාවය තමන් සතුකරගැනීමට ශ්‍රී ජයවර්ධනපුර කෝට්ටේ ප්‍රාදේශීය ලේකම් කාර්යාලය ක්‍රීඩක ක්‍රීඩිකාවන් සමත්වෙද්දී අනුශුරතාවය පාදුක්ක ප්‍රාදේශීය ලේකම් කාර්යාල ක්‍රීඩක ක්‍රීඩිකාවන් හිමිකරගත්හ.පුරා දින ගණනක් දිසාපතිතුමන්ගේ දැවැන්ත ශක්තිය හා මගපෙන්වීම යටතේ, කොළඹ දිස්ත්‍රික්කයේ ප්‍රාදේශීය ලේකම්වරුන්ගේ පුර්ණ සහයෝගයෙන් යුතුව ක්‍රියාත්මක වූ දිසාපති කුසලාන ක්‍රීඩා තරඟාවලියේ සමස්ත ශුරතාවය අභිමානවත් ලෙස තමන්ගේ නම ඉදිරියේ සනිටුහන් කරගැනීමට ශ්‍රී ජයවර්ධනපුර කෝට්ටේ ප්‍රාදේශීය ලේකම් කාර්යාලය ක්‍රීඩක ක්‍රීඩිකාවන් ඊයේ සමත් විය. සමස්ත ක්‍රීඩා උළෙලේ අනු ශුරතාවය හිමිකරගත්තේ කඩුවෙල ප්‍රාදේශීය ලේකම් කාර්යාලය ක්‍රීඩක ක්‍රීඩිකාවන් විසිනි.

කොළඹ දිසාපති කුසලාන ක්‍රීඩා තරගාවලිය යටතේ එල්ලේ තරග කොලොන්නාව ප්‍රාදේශීය ලේකම්තුමාගේ මග පෙන්වීම යටතේ කොලොන්නාව ප්‍රාදේශීය ලේකම් කාර්යාලයේ සත්කාරත්වයෙන් ඔක්තෝම්බර් මස 22 දින මුල්ලේරියාව මහාචාර්ය එදිරිවීර සරච්චන්ද්‍ර විදුහල් ක්‍රීඩාංගණයේදී පවත්වන ලදී.

මේ සදහා කණ්ඩායම් දාහතරේම සහභාගීත්වයෙන් කොළඹ දිස්ත්‍රික් ලේකම් හා දිසාපති ප්‍රදීප් යසරත්න මහතාගේ ප්‍රධානත්වයෙන් අතිරේක දිස්ත්‍රික් ලේකම් සම්පත් ඉඩම්ගොඩගේ මහතා සහ කාංචනා ගුණවර්ධන මහත්මිය සමග දිස්ත්‍රික් සැලසුම් අධ්‍යක්ෂ සේනක සිල්වා මහතා , ප්‍රාදේශීය ලේකම්වරුන් , සහකාර ප්‍රාදේශීය ලේකම්වරුන් ඇතුලු නිලධාරීන්ගේ සහභාගිත්වයෙන් පැවැත්විණි.

මෙහි ශූරතාවය මොරටුව ප්‍රාදේශීය ලේකම් කාර්යාල කණ්ඩායම විසිනුත් අනුශූරතාවය සත්කාරක කොලොන්නාව ප්‍රාදේශීය ලේකම් කාර්යාල කණ්ඩායම ව්සිනුත් දිනාගන්නා ලදී.

කොලොන්නාව ප්‍රාදේශීය ලේකම් කාර්යාල කණ්ඩායම ක්‍රීඩා නිලධාරී අකලංක ඉෂාන් මහතාගේ නායකත්වය යටතේ ශ්‍රී ලංකා
එල්ලේ හොඳම ක්‍රීඩකයා ලෙස සම්මානයට පාත්‍රවී ඇති සරත් වන්නිආරච්චි මහතා හා ප්‍රවීන එල්ලේ විනිසුරු රෝහිත දේවපුර මහතාගේ (කොලොන්නාව සමෘද්ධි නිලධාරී ) උපදේශකත්වයෙන් සීතාවක , මහරගම , කඩුවෙල කණ්ඩායම් පරාජය කරමින්
අවසන් තරගයට තේරී පත්වූ අතර අවසන් තරගයේදී ද ඉතා හොඳ තරගයක් ලබාදෙමින් ක්‍රීඩා කල අතර අවාසනාවන්ත ලෙස මොරටුව කණ්ඩායම වෙතින් 5-3 ක් ලෙස පරාජය විය. කෙසේ වෙතත් අපේ ක්‍රීඩකයන් සිය උපරිම කැපවීමෙන් ක්‍රීඩා කල නමුත් වාසනාව ඔවුන්ට එරෙහි විය.
 

ලෝක ආහාර වැඩසටහන (WFP) මගින් කොලොන්නාව ප්‍රාදේශීය ලේකම් කොට්ඨාසය තුල තෝරාගත් අඩුආදායම්ලාභී පවුල් සදහා සංඛේතාත්මකව වවුචරපත් ලබාදීම අගෝස්තු මස 18 වන දින කොලොන්නාව ප්‍රාදේශීය ලේකම් කාර්යාලයේ දී සිදු කළ අතර එම පිරිස් වෙත ලබාදුන් උපදෙස් වලට අනුව පවුලේ අයට අවශ්‍ය පෝෂ්‍යදායක ආහාර ද්‍රව්‍ය මිලදී ගන්නා ආකාරය නිරීක්ෂණය කිරීමට කොලොන්නාව කාගිල්ස් ෆුඩ්සිටි ආයතනය වෙත කොළඹ දිස්ත්‍රික් ලේකම් හා මහදිසාපති ප්‍රදීප් යසරත්න මහතා ඇතුලු නිලධාරීන් ද සහභාගි විය.ලෝක ආහාර වැඩසටහන (WFP) මගින් කොලොන්නාව ප්‍රාදේශීය ලේකම් කොට්ඨාසය තුල තෝරාගත් අඩුආදායම්ලාභී පවුල් සදහා සංඛේතාත්මකව වවුචරපත් ලබාදීම අගෝස්තු මස 18 වන දින කොලොන්නාව ප්‍රාදේශීය ලේකම් කාර්යාලයේ දී සිදු කළ අතර එම පිරිස් වෙත ලබාදුන් උපදෙස් වලට අනුව පවුලේ අයට අවශ්‍ය පෝෂ්‍යදායක ආහාර ද්‍රව්‍ය මිලදී ගන්නා ආකාරය නිරීක්ෂණය කිරීමට කොලොන්නාව කාගිල්ස් ෆුඩ්සිටි ආයතනය වෙත කොළඹ දිස්ත්‍රික් ලේකම් හා මහදිසාපති ප්‍රදීප් යසරත්න මහතා ඇතුලු නිලධාරීන් ද සහභාගි විය.එහිදී ඔවුන් තමන් විසින් තෝරාගත් ආහාර ද්‍රව්‍ය අවශ්‍යතා පිළිබදව එම නිලධාරීන් සමග සුහද අදහස් දැක්වීමක් සිදු කරන ලදී.එම අවස්ථාවට අතිරේක දිස්ත්‍රික් ලේකම් සම්පත් ඉඩම්ගොඩගේ මහතා , ජාතික ක්‍රම සම්පාදන දෙපාර්තමේන්තුවේ අධ්‍යක්ෂ හා එම වැඩසටහනේ නියෝජ්‍ය අධ්‍යක්ෂ කේ.සෝමතිලක මහතා , එම වැඩසටහනේ අධ්‍යක්ෂ අබ්දුර් රහීම් සාදික් මහතා , ලෝක ආහාර වැඩසටහනේ අත්‍යාවශ්‍ය සේවා නිලධාරී ඉන්දු අබේරත්න මහතා ඇතුලු එම වැඩසටහනේ නිලධාරීන් සමග කොලොන්නාව ප්‍රාදේශීය ලේකම් කාර්යාලය වෙනුවෙන් ප්‍රාදේශීය ලේකම් එම්.ඒ.පී.ජයකොඩි මහතා , සහකාර ප්‍රාදේශීය ලේකම් චමින්ද පරණමාන මහතා , සහකාර අධ්‍යක්ෂ සැලසුම් දිල්හානි රූපසිංහ මහත්මිය ඇතුලු නිලධාරීන් සහභාගි විය.